Ég ákvað í síðustu viku að skella nokkrum pakkningum af bónus eplasafa í tunnu, með smá hunangi og púðursykri. Ég mældi gravity-ið áðan og þetta nálgast óðum 1000 og enn heilmikið að gerast. Ég er því hrædd um að þetta verði voða þurrt og súrt... Hefur einhver verið að gera einhverjar tilraunir til þess að sæta eftir á? Ég var eitthvað að lesa mér til um að fólk hefði verið að setja á flöskur áður en gerjun stöðvaðist og svo stöðva hana með því að hita flöskurnar þegar næg kolsýra væri komin. Hljómar mjög mikið vesen og líkur á að fá nokkrar flöskusprengjur.

Ég var því að pæla hvort það væri ekki hægt að setja einhvern ógerjanlegan sykur út í, eins og t.d. bara mjólkursykur? Er það einhver hugmynd? Kemur e.t.v. eitthvert óbragð bara af því?

Ég myndi frekar kaupa gerstopp og henda því út í, sæta það svo eftir smekk. Útilokar kolsýru, en þetta er jú oftast gert í líkingu við vín frekar.

Eða einfaldlega sæta þetta þegar í glasið er komið með smá Sprite eða eplasafa. Engiferöl hefur líka verið að gera lukku hjá þeim sem hafa verið að sulla í mínu eplavíni. Bara örlítið, las einhvers staðar 1/3 bland, 2/3 eplavín, en það er jafn vel of þynnt fyrir minn og minna smekk ef eitthvað er... Svo bara hafa þetta nógu djöfulli kalt og helst á ís

Fyrir minn smekk þá þyrfti vínið að vera í sterkari kantinum til að leyfa þessa minnkun á alkohólsprósentu.

Þetta ætti að enda einhvers staðar í kringum 7% held ég, svo það er ef til vill hægt að þynna það örlítið. Samt varla nægilega sterkt til að geta virkað sem vín?

Mitt er ca.8,5% (21l Brazzi+1kg glúkósi, 1065OG, 1000FG), og virkar vel á hvorn veginn sem er. Svona áfengisprósenta gefur ágætis svigrúm til blöndunar, gætir blandað 50/50 þess vegna og ert samt í styrkleika á við léttan bjór (þótt ég sé ekki viss um að það sé gott, mínar tilraunir með þetta hafa sýnt að "less is more" þegar kemur að blandi með þessu), en dry er það eins og hvítvín í léttari kantinum... með 7% gefur þér 4,67% með 2/3 vín á móti 1/3 blandi

Því ekki að blanda þessu bara við sætan, goseplasíder úr búð? Perusíder gæti jafnvel verið bretri (hann er oftast sætari, hefur mér sýnst). Þarft örugglega lítið af honum til að fá temmilega sætu.

Ég var einmitt að hugsa þetta sama um daginn, það nefnilega stendur "síderkarakter" (eins og Svíarnir kalla þetta) flaska á eldhúsborðinu, eitthvað sem var ekki drukkið um áramótin og ég fékk þessa flugu í höfuðið en hef ekki látið af því verða .. prófa kannski næst þegar ég poppa eina epla og læt vita

Þeir selja ágætis Herljunga Cider í Europris sem ég mæli með

Það er það sem ég drekk þegar ég fer í partý og ætla ekki að drekka áfengi....